PAG-ISAHIN Lyrics

PAG-ISAHIN

Jose:
Pangako ba’y kailangang bigkasin
Kung pag-ibig ang sandalan natin
Nais ko sanang ako’y iyong dinggin
Habang ako’y nairto, huwag maninimdim

Mirriam:
Batid ko na ika’y lihim na nagdusa
Kaya’t buong galak tatanggapin ka
Kung para sa iyo buhay ang iaalay
Ito'y buong puso kong ibibigay

Jose:
Ikaw ang nagbigay kahulugan

Mirriam:
Ika’y mananatili sa ‘king puso

Jose:
Di alam ang gagawin kung ika’y mamamaalam

Mirriam:
Papawiin ang lahat ng lungkot sa buhay mo

Jose:
Alay mong buhay buong pusong tatanggapin

Mirriam:
Ang dasal ko sa Poon sana’y di magbago

Jose:
At sana’y huwag mo akong limutin

Mirriam:
Dahil wala nang mahahanap pang ibang tulad mo

Jose at Mirriam:
Sana tugunan itong aming dasal
Bantayan po sana pag-iibigang banal
Gabayan ang bawat yapak na gagawin
Nang lahat ng gawin ay ayon sa inyong bilin.